Ajwiak Tutalyu

Taika ajwiak tutalyu?
tajtanituya tuyulu
ika ken atzupelek wan orchataj
Ayujwash iwan chil wan limaj.

Ajwiak ken ne ishuchiw ne kulekemet
tik ne iayuchin et
uksituk pulachin
chilmul wan awakamul.

Ajwiak ken ne chilkamuj wan nekti
ne iktzut  tatzuyun
wey chankwita tik kimil
tamal wan fritadaj.

Ajwiak ken ne tapik
pijwashta ipal matzaj wan tawial
chukulat nikuni kwak wetzi at
kwak nisiwapil pakituk.

Ajwiak ken ne imetzpan nunoya
itakutuchin ne chicharron
tishti tzupelek tik ne palkej
Sesek at tik bukul.

Ajwiak ken kukumutzin wan muchi
nuegadoj ipal kamuj wan tishti
elutashkal ijtik iiswaw ne pula
Ajwiak ken nuchan.